今日係光棍节四条一嘅时间～～当然～～我都係千千万万光棍中嘅一条～～但係事实上我冇咩感觉～～对于我嚟讲～～几乎唔会考虑呢方面嘅嘢～～不过呢～～唔考虑还唔考虑～～我始终都係个有感情嘅人～～对于情感上嘅故事都係会引起我嘅情绪～～呢方面等阵再讲～～呢几日都喺度睇小说～～甚至通咗晚宵添～～唉～～我啲功课仲係一啲都未做啊～～小鱼今日去帽峰山考察～～睇下适唔适合嚟做班级旅行嘅地点～～寻晚佢搂我去～～不过后尾佢揾到佢同学陪佢～～甘就算啦～～费事早起～～反正谂住夜瞓～～不过貌似个地点唔多适合集体旅行～～自费旅行都仲係可以嘅～～而且貌似山上有个咩脆皮烧鸡好正～～搞到我都有啲想食添～～不过算啦～～讲到食～～今日成日都係食咗个即食面～～而且个肚感觉怪怪地～～唉～～果然应该注意下饮食啊～～呢几日开始玩卡丁车～～果然见佢地玩得甘爽～～都有啲手痕～～不过揾多个游戏发泄下都OK嘅～～换咗张墙纸～～又係要有新嘅开始～～都係搞掂啲功课先啦～～

 

　　事实上喺写之前，我犹豫咗阵，好唔好将啲甘负面嘅嘢写低。因为我唔确定写低落嚟究竟係加深负面情绪嘅刻印，定係可以凭借甘样而将呢啲感觉抛弃淡忘。不过最后我都係决定要写低，毕竟有呢啲感觉嘅机会唔多。可能睇嘅人会奇怪点解我会用标点，不过其实冇咩好奇怪嘅，当我认真上嚟嘅时候就会用翻标点，所以，事实上我一般都係笑住写blog，而且都係写得几正面，当然甘同我平时嘅性格有关嘅。虽然估计会写得比较长，应该要分开一两次写，不过算啦，写就写。其实都可以算係一种沉迷，我果然都係太容易集中注意力落同一样嘢嘞，不过一连睇咗成三日嘅同一题材嘅小说，应该都有成十篇嘞吧，不过其中有啲都未完结嘅，只能够待续。唔知係咪右脑比以前更加发达嘅缘故，我貌似比以前更加自然而然甘代入角色，而且情感嘅链接貌似更加丰富咗，故事入面嘅爱情友情，生离死别，都俾到我莫大嘅感触甚至係冲击。

 

　　开头個几篇仲好啲，只係青涩嘅淡淡嘅哀伤，不过都已足够勾起我曾经嘅伤。曾经属于我嘅其实不过流于肤浅，同故事入面相比简直係小玩意，无奈我所要求嘅实在太高，希望与失望仲係成正比。不过我喺一段嘅经历之中学识唔少嘢，伤痛其实都可以成为力量，我甚至可以认为同我高考出乎意料嘅成绩都有关。但係始终失去嘅嘢都仲係会失去，虽然朋友依然係好朋友，不过已经有所唔同，我唔知道究竟係好定係坏，但係我感觉我已经冇办法将我嘅感情交托俾任何人，无论係已经拥有嘅众多朋友定係可能会有嘅情人。其实到底我都不过係想有个可以令我完全闯开心胸同时又能够真心关怀我嘅人，无论係知己好友又好，情人又好，甚至大胆讲句，係两者嘅交集我都唔care，至于交集係咩就自己YY啦，我唔讲，我睇嘅小说之中就含有呢种题材，而且係睇得我最伤個篇。但係可惜鱼与熊掌不可兼得，而人又往往太贪心。呢句话喺某篇小说入面出现咗，但係唔通真係贪心只过咩？人害怕选择，因为选择就意味住要失去，有人会争取全选，但係有人会选择弃权，如果係Hunter入面嘅考试弃权或者真係一个答案，但係Gon话斋，如果到真係要选择嘅时候，人又会点呢？人都习惯逃避痛苦，甚于追求快乐，或者人会永远逃避直到事实无法改变为止，所以两难问题大概只有喺真实发生嘅时候先会有答案吧。尽管如此，我并唔想做逃避者，我要面对，我要选择，我要决定，我要舍去。舍得，舍得，冇舍就冇得，或者只有当我舍弃个人嘅情感先可以不断甘学习同致力于工作。的确，俾阿廷话我係工作狂個阵，我的确有啲唔习惯，不过仔细谂谂，佢都讲得冇错嘅，尽管我係随时都可以识到朋友兼且同朋友打成一片嘅人，但係事实上我已经唔会完全打开心窗，当然我其实从未能够完全打开，但至少我曾经尝试，尽管朋友见我个样都应该係觉得我係個种强化系嘅粗神经类吧，但係其实不过係锻炼出嚟嘅结果，然而真实嘅我大概就係复杂多变嘅吧，变化系的确係更适合形容我。

 

　　如果话之前個啲係开胃菜，甘今日嘅先係主菜。今日接触嘅两篇就好似放咗个千斤鼎喺我个心度甘，从来未试过呢种感觉，好沉重，好沉重，或者已经超出咗我可以承担嘅范围，令我到依家都未能平伏到心情，心有余悸。第一篇睇咗两段就令我窒息咗下，几乎要放弃继续睇落去嘅勇气，但係我都係坚持咗落嚟。第二篇嘅开头似乎会係一个开心嘅故事，但係偏偏作者又甘狠心，我亦都渐渐步入佢设下嘅黑洞入面，重重甘跌咗我一下。痛，真係好痛，生离死别嘅痛，就连婆婆过身都冇感觉嘅我依家居然会甘痛，我自己都觉得不可思议。但係呢种痛唔同于以往嘅心如刀割，更多嘅係一种冲击。感情大概係脑嘅产物，但係点解伤痛都会反映喺个心度呢？呢个甘科学嘅问题令我哭笑不得，但係我的确感受过個种痛楚，相隔已久嘅今日然而记得喺无数深夜之中感受过嘅划过心脏嘅利刃，虽然我已经好耐都冇试过，依家都冇，毕竟并唔係属于自己嘅故事，尽管角色嘅代入已经足够令我苦不堪言。不过貌似依家嘅余悸并唔係痛，更多嘅係一种惋惜，一种叹息。或者我睇甘耐都不过係想要一个结局，一个令我觉得安慰嘅结局，一个符合我理想追求嘅结局。但係我知道，从呢啲文章之中我并唔能得到我想要嘅嘢，大概我就只能够YY吧。故事果然都係要係悲剧先可以震撼人心，亦难怪有人成日都揾呢啲负面嘅嘢睇，老罗话斋，小资情调，呵呵，我仲未係小资吧，阿廷嘅话就，呵呵。不过我之所以揾嘢睇，大概只係觉得自己呢排气焰过盛吧，係时候提醒一下自己生活嘅负面，我谂翻起阿廷嘅一段牢骚，人生好无聊，的确有佢嘅道理，揾工结婚生仔，似乎就係已经注定嘅事，但係我又谂到自己嘅野望，我矛盾喇，我对自己设定嘅规划似乎仅限于工作，我甚至将自己定咗喺一个漂泊不定嘅位置上面，或者我真係下意识甘舍弃咗感情，果然我係工作狂啊。但係大概不过係我嘅潜意识认定人係始终会分别嘅动物吧，甚至连父母亦都冇多加考虑，尽管我知道佢地会不舍，但係我似乎已经下意识甘令佢地习惯冇我嘅生活，以至于我同老豆讲我嘅一啲规划嘅时候并冇显出可能出现嘅因不舍嘅责备。回顾我嘅价值观，我只有叹息，但係我或者应该如此，男儿志在四方，毕竟人有时仲係要上进嘅，特别係趁而家仲年轻，我又有咩好动摇嘅呢。毕竟依家科学发达，通信只在瞬间，但係仔细谂下，我曾经有主动揾嚟倾计嘅QQ好友又有几个呢，有都多半係工作原因吧。或者网上交流并唔适合我，我都係中意真实嘅感觉，所以我从来唔喺网上面同陌生人讲话，但係熟人又点呢，米一样係落得个好友病而不知嘅愧疚。其实我究竟係咪甘坚强，我唔知，或者我不过係倔强同好胜罢了，绝食如此，通宵如此，病不就医，等等包括今次睇啲甘负面嘅嘢或者都不过係喺度显示自己坚强，可怜嘅自虐狂，我有时不禁会有甘嘅想法。或者好似某篇嘢嘅主人翁嘅梦想甘，所有嘅朋友都住喺一栋楼入面，生活只需要有串门嘅幸福都係一个我理想嘅生活吧，尽管我知道呢个梦想永远都只能同周公分享，但係如果可以嘅话，我都好想发一下呢个梦，毕竟我係我地班嘅串室王嘛，呵呵。脑中突然闪起阿政翻咗宿舍但係就话我去咗自习嘅情景，当然佢都冇讲大话，係喺宿舍自习，不过，我真係甘烦人咩。影响型人格么，大概係我仲未揾到自己存在嘅价值吧，个人价值果然都係要喺社会价值入手揾么，算。其实我咩都唔惊，咩都可以唔在乎，就係惊人真心讨厌我，我唔介意成为人地嘅乐子，我总希望可以多为朋友带多啲笑容，甘样我亦都可以笑多啲。望住镜中嘅我，果然只有笑面係有亲和力嘅，唔知上次俾河马话我想杀人嘅面係点嘅呢？

 

　　或者我真係写得太长喇，不过都係我呢两日谂嘅嘢，可能有部分已经忘却咗吧，不过都仲係有甘多，并冇排过，基本上係谂到边写到边，虽然都係我真实嘅感觉，不过始终係未能够完全打开心窗。唉，就甘啦，好耐未写过甘长嘅嘢嘞，上次可能就係写俾阿包嘅信吧，好似好遥远但係又好似好近甘，四年几甘就过咗，乍看时光飞逝，其实都已经发生咗好多事，记忆嘅碎片依然打乱住我嘅记忆，但係感觉已经早就不复存在。大概如果拥有感情嘅话时间会变得慢啲吧，我係甘觉得嘅，至少喺我失去大部分情感知觉嘅呢两年大学生活，时间显得係甘仓促，使我几乎捉唔住任何嘢。好耐未试过酝酿并宣泄情感嘞，就喺呢个宁静嘅深夜，抒发下深沉嘅忧伤啦，貌似而家已经舒服翻啲嘞，好！

　　一啲嘢令我产生咗一啲联想～～而呢啲联想又令我产生咗一个任性嘅想法～～似乎我每次都会咁样～～当受到刺激而想放弃某啲嘢嗰阵～～总係会不知不觉咁扩展到去放弃同嗰样嘢相关联嘅任何嘢～～究竟係因为我嘅任性而不计后果～～定係我其实本来并唔在乎嗰啲嘢～～又或者我其实从来都未在乎过任何嘢～～但係当我真正放弃嗰阵我未必会后悔～～最多係一种失落～～但係呢种失落却并唔会持续太耐～～而当我重新拥有嗰阵～～或者就会发觉已经永远咁失去咗～～一切都已经唔同咗～～但係似乎呢个结局我係一早就预咗～～因而已经唔再有所谓～～但係事实上似乎只要我曾经假想决心放弃过～～呢种现象就会发生～～可能其实係我唔识点样重新去面对～～係我嘅任性～～但係似乎最可怕嘅係我可以放弃任何嘢不顾一切嘅决心～～

　　朋友对我嘅唔信任似乎係可以伤我嘅嘢～～一直以嚟我都尽量令到自己成为一个可以信任嘅人～～甚至我总係觉得我太过厚道～～总係希望可以照顾到各个人嘅感受～～虽然喺更为亲密嘅朋友面前～～我会表现出我嘅天真同任性～～或者咁样并唔得信任～～但係都并唔係真正嘅唔信任～～至少当我应承咗之后我都会尽力去做～～而我做唔到嘅嘢我係坚决唔会应承～～点讲都冇用～～

　　一切可能都只係因为我太天真～～太任性～～太坦率～～似乎我係呢个社会上生存嘅话注定会折底～～但係咁又可以点呢～～最紧要嘅係我自己觉得开心就係啦～～何必去计较咁多得失呢～～横掂我可能其实咩都唔在乎～～

 

I am the bone of my sword.

吾为吾剑之骨

Steel is my body,

身似铁

 

And fire is my blood.

血如火

I have created over a thousand blades.

手创兵器已达过千之数

Unknown to Death.

无惧死亡

Nor known to Life.

亦无知己

Have withstood pain to create many weapons.

忍痛创下诸多兵器

Yet those hands will never hold anything.

然而心中只有虚无

So as I pray,

故如我祈求

 

Unlimited Blade Works.

无限之剑制

 

 

～～ 愚执的正义 轮回的杀戮 痛苦的结论 开始与结束 ～～

　　我一个人，既孤独，又冷漠，心中有这么多的不平与不满。这一些不平与不满若无法获得朋友的谅解，那我情愿一个人孤独过日子。我将破坏世界。如果你真是英雄，并且当我是朋友，就阻止我吧！

　　你知道所谓的七大原罪吗？Pride、Envy、Gluttony、Lust、Sloth、Greed、Wrath － 傲慢、嫉妒、暴食、色欲、懒惰、贪婪、愤怒。那么，这七项原罪之后，若有第八项，你猜是什么？就是Justin，矫枉过正的正义也是最要不得的罪行。

　　你最好小心……不过希望你能以可能成为原罪的正义来阻止我！

————《 B壱 》

 

　　或者确实存在第八原罪，但是如果话係矫枉过正嘅正义嘅话，倒不如话係执着。正义之所以会矫枉过正，归根到底都係由于人嘅执着，执着于名，执着于利，执着于世间种种爱恨情仇，只会带嚟永不停息、因果不断嘅纷争。或者冇咗执着就会冇咗原则，冇咗执着就会冇咗秩序，但係当执着成为咗目的之后执着将唔再具有佢嘅积极意义。