星期日翻屋企～～虽然话系清明期间～～不过今次翻去嘅主要目的唔系拜山～～而系摞钱喈～～拜山大概会喺下个星期～～翻去摞咗两个消息～～一个系间屋嘅重整居然唔批～～话唔俾起水泥结构～～要起翻砖木结构～～我顶佢个肺～～摞纸嚟嗰条友都觉得奇怪咖嘞～～话点解会唔批呢咁～～痴佢线～～整砖木好贵咖嘛～～佢个扑街政府～～你自己话要整就要整～～又唔俾补助之类～～顶你个肺～～呢啲又唔系我哋自己要整嘅～～而家准备整嘞～～你班友又喺度啊吱啊咗～～激死我嘞～～老豆仲话极有可能系因为冇俾钱佢～～而且我哋又冇揾设计局之类嘅嚟整～～结果佢哋班狼狈为奸嘅友冇钱赚～～所以就专登为难你～～明明隔离屋嗰啲连加建之类都搞过添啦～～我顶爆佢～～结果而家搬嘢工作就暂停咗嘞～～再睇下点先算啦～～搞到我有想炸咗政府间楼嘅冲动～～等你班友咁中意起屋吖哪～～慢慢你起～～贱人～～剩系识得摞百姓啲钱去起面子工程～～

 

　　另一个消息就系威威一模成绩出咗嘞～～568分～～低旧年重点线5分～～不过睇呢啲原始分都冇参考价值嘅～～不可比～～计翻标准分嘅话好啲～～不过又唔知佢一模排名几多～～我老豆工友个仔就系理科8000名～～总共29000人～～不过到真正高考嗰阵威威应该系过重点线咖嘞～～目前目标定咗系华师地理喔～～唔知好唔好嘞～～我觉得就嘛嘛嘅喈～～不过佢读地理都冇咩嘢可以拣啦～～佢自己中意就系啦～～

　　好耐冇更新啦～～成三个星期嘞已经～～俾一堆无无聊聊嘅嘢搞到都冇心机冇时间上来更新嘞～～求其讲下呢三个星期嘅嘢啦～～首先就系罗列一下啲琐事先～～最麻烦最唔想做嘅就首先系睇赵福利啲死人论文啦～～一级无聊～～开学第一个星期尾就叫左我哋去揾佢汇报嘞～～除咗我哋仲有佢带嘅几个大四嘅师兄姐～～好彩之前佢冇讲清楚点样汇报～～结果我哋斋睇个师兄喺度ppt～～但系之后佢就叫我哋喺今个月之内睇嗮啲论文佢嘞～～晕～～每人要睇十篇啊～～我之前睇左十篇嘅摘要～～又系组长～～就稍微睇多啲啦～～十二篇～～不过事实上到而家都仲未睇完～～唔谂住再睇嘞～～总结下啲摘要～～再睇佢话嘅刘正风篇综述就算嘞～～

 

　　跟住就系意外咁接左蔡志岗单嘢嚟搞～～就系帮个物理实验中心搞过个网站～～话咩个实验室系全国一流嘅～～就要争取连个网站都要全国一流～～晕～～一流就唔咁包嘞～～不过将佢原先嗰个咩都冇嘅网站搞得摆得上台都冇问题嘅～～三个人一齐整～～仲有两个就系阿政同梁竞～～阿政就负责做后台～～梁竞负责美工～～我就负责框架同部分美工～～虽然话而家个基本版面已经出咗嚟～～梁竞搞嘅～～MS蔡志岗只白痴冇咩意见～～咁就算啰～～虽然我觉得未够好～～不过事实上我系一啲嘢都未做嘅添～～呵呵～～佢哋先搞下先啦～～等过咗今个月～～冇咗赵福利嗰单嘢烦先啦～～

 

　　话说我已经冇去上三堂柔道嘞～～一个系比较多嘢烦～～另一个就系开学嗰个星期嗰堂课拉伤咗～～之后又上多咗堂～～结果就加重咗～～要修养啊～～听日嗰堂都逃埋算嘞～～等下个星期先开始翻啦～～话说计埋柔道～～我啲时间爆得好夸张～～朝朝早都有课～～下午得星期一同星期三得闲～～夜晚黑得星期三同星期五得闲～～晕～～本来对其他人嚟讲今个学期系冇咩做嘅～～不过我MS选咗太多选修嘞～～专业嗰四科选修除咗非线性光学嗰条BT佬唔拣之外～～我都选咗～～之后全校公选我又去上三科～～本来每人两科嘅～～一科去旁听～～唔考试算～～结果我比最少课嗰个多出六科～～晕死～～

 

　　另外就系先两个星期入咗个书群～～里面感觉有啲似一个班集体咁～～识咗好多网友～～似乎几好玩～～几开心～～MS星座相说话处女座今年会好积极咁认识新朋友～～似乎都几啱～～到目前为止都已经识咗好多新朋友嘞～～虽然实际上都唔系好多～～柔道网友加埋三四十个～～而且啲网友都系未见过面嘅添～～呵呵～～不过似乎今年都系注定比较多事～～顺其自然啦～～

　　今日又系节日一个～～传说中嘅中国情人节元宵节～～而且系我老豆生日～～所以嘛～～迫于无奈又要翻屋企嘞～～无聊啊～～而且又要食汤圆～～不喜欢～～由于下昼要上柔道～～听朝就要开课～～搞到好无聊咁翻去四个钟～～仲要俾阿廷点摞几口长钉翻去俾佢钉凳～～讲起柔道～～今日系考级大会～～一共上三个钟～～所有道场考级嘅人都嚟～～超多人～～成五十个～～搞左一个钟准备运动之后开始考级～～结果考左个半钟～～剩低半个钟复习下体落就算嘞～～虽然睇啲人考级都学到几个动作～～不过自从上节课之后就俾某大叔缠上嘞～～个大叔成日话呢度痛個度痛～～搞到我都唔敢用力～～而且又以为我好似佢咁矜贵～～成日唔肯挞我～～肯個阵就系都要喺大垫先挞～～仲要唔用力～～到另一个大叔揾我练個阵佢又嚟烦住嗮～～晕死～～虽然话佢唔知我上多佢十节喈～～但睇我样都应该知我底子好佢百倍啩～～下次有得拣一定唔同佢练～～讲翻考级大会～～原来今期得考黄同橙～～果然高段些少就少好多人～～不过家阵先知原来连考黄带都会有人唔过～～失败～～按理一共50分～～自我保护就已经占左20分嘞～～求其做好些少投技同寝技各15都可以啦～～最衰一定要够18堂先俾考～～我家阵先得12堂～～下次考级两个月之后～～到时都成30堂课啦～～算～～等啲白带过嗮之后我就可以做白带老大嘞～～除左某今次唔得闲嚟考带嘅师兄～～呵呵～～

　　眨下眼就到左二月最后一日嘞～～再过五日就要开学嘞～～一个寒假就甘就无无聊聊甘过左嘞～～果然原先谂住做嘅嘢冇咩系完成到～～开头个两个星期就喺度睇PrisonBreak同埋追翻啲动画～～跟住就求其搞左下赵福利啲嘢～～之后塔利班聚会N次～～甘又过年嘞～～过年就更系冇时间做嘢咖嘞～～唉～～但系过完年翻嚟之后又开始睇小说嘞～～搞到心情唔爽嘅时候而家又俾《盛夏光年》深深触动左嘢～～而家系完全冇心情继续搞正经嘢嘞～～唉～～赵福利仲叫我地开学初要整份report俾佢添咖～～而家我都仲系维持喺一篇嘅水平～～一啲都冇进展过～～虽然小泉同锐权呢两日翻左嚟～～但系佢地都系冇睇过～～唉～～无语中～～之前借左两本网络技术翻嚟～～到而家都仲系睇得章几～～唉～～

 

　　今日翻左屋企～～其实系老豆催翻去食水果～～无聊～～同佢讲好呢两日运部17寸翻嚟～～话左好多次我自己搭车搬就系啦～～佢系都唔肯～～而家话佢车嚟～～鬼甘麻烦～～事但佢～～唔使我拎仲好添～～自己摞苦嚟辛～～晚黑翻到嚟发觉冇热水～～系一滴都冇個只～～唉～～又要冲冻水嘞～～岩开机冇耐～～死梁尧就打过嚟话部车仔坏左～～晕～～搞到我要落去帮佢摞嘢～～仲唔觉意整亲添～～我安宁嘅宿舍独居生活啊～～要告一段落噜～～寻晚上柔道～～因为系补课～～超少人～～得十个多啲～～仲要好多系新仔～～搞到我要同啲新仔一齐练～～成晚都冇点实质性郁动～～还好教嘅系四方破势～～之前剩系学左前后破势～～未学齐～～叫做有新动作啦甘就～～不过对手实在太柔～～初二仔～～高我些少但系先得九十斤～～又未识受身～～搞到我都唔敢挞佢～～同上次啲大肥差得远～～唔使用力就可以扯低～～前日睇左阿廷介绍嘅《性爱巴士》～～好BT嘅一出嘢啊～～乱就一个字～～之但系讲嘅其实都唔算系好深嘅嘢～～总体嚟讲有啲闷～～貌似听日又多几个人翻嚟嘞～～阿廷啦煤灰啦～～大概过多两日我宿舍就齐人嘞吧～～不过802就肯定唔到最后一日都唔会翻嗮咖嘞～～善津阿智之流～～

　　好耐未睇过一出甘有feel嘅电影嘞～～不过其实我已经好耐冇睇过电影～～而且就算系以前睇电影基本都系睇啲纯娱乐嘅电影～～能够留低深刻记忆嘅基本系冇～～寻晚得闲无聊搜在线电影個阵发现嘅～～见到啲人名设点好得意～～恒星行星加彗星～～于是就睇左～～之后先发现系台湾上年名片之一～～汗～～点讲好呢～～主要系呢部嘢令我不得不回忆起中学时候嘅心境～～而且虽然性质同对象方向唔同～～啲主角嘅情感世界有好多似曾相识嘅地方～～当然级别要比我高～～至少我never fell in love～～而且戏入面嘅三角恋超复杂～～heterosexual加homosexual加bisexual～～晕死～～不过不过该算系BL片吧～～未睇过断背～～不过对我嚟讲嘅话应该冇呢出好睇吧～～毕竟冇共鸣嘅地方～～以前睇一啲专讲感情嘅片都系呢头睇完個头就唔记得～～等于冇睇～～话说出嘢嘅主题曲好正～～阿信嘅同名电影原创歌～～睇完MTV之后感觉更爽～～不过首嘢太难唱我唱唔到～～可惜左啲～～最后引用翻两句嘢～～“没有人是孤独的”～～“也许真的是长大了。人长大了，就什么都变了”～～

 

　　话说已经好多晚七点先瞓嘞～～今晚又系通宵夜～～反正听日去李燕青屋企～～八点半就要到烈士陵园集中上车嘞～～到时坐车先瞓啦～～而且如果瞓左嘅话极度可能起唔到身～～另外一个起唔到身嘅原因系今晚柔道补课～～原本停左十日冇上寻日上翻就已经有啲攰嘞～～今日居然同重量级嘅黄带彪悍大叔×2练～～汗死～～同寻日某岩入门嘅JJ练简直冇得比～～重到唔出尽力都冇可能挞得郁～～结果又系我比人狂挞～～重量级狂挞啊～～好彩我挞得喈～～之后练寝技同大师兄练～～斋固佢已经消耗到冇力～～虽然第一轮固個阵冇比佢反击成功～～不过第二轮佢发彪加上我冇力～～终于都系比佢反嗮～～之后就同另一个重量级大叔练～～佢固我反～～发觉系完全唔郁得～～大石砸死蟹啊～～攰死我嘞～～好彩今日出过太阳～～有热水冲凉～～舒服～～好耐冇冲过嘞～～之前都系煲水冲～～用个1L嘅电热水煲～～煲N次先冲完次凉～～郁闷～～

 

　　突然谂起一个问题～～塔利班MM话睇我日志感觉好搞笑～～Maybe啦～～我写日志不过系记录事件喈～～基本都系遇到啲有趣嘅嘢我先会摆上嚟～～貌似我都基本唔会摆啲忧郁嘅嘢～～或者我不过系希望我写個阵同埋人地睇個阵都可以得到一种轻松嘅心情吧～～以至于有好多次心情压抑個阵我都冇点写～～或者两笔带过抑郁嘅point就算嘞～～冇计啦～～就性格嚟讲～～我本来就系善变之人～～呵呵～～另外话说丁超前日就从李阳手下翻左嚟噜～～而家有个伴嘞～～呵呵～～

　　今日系大年初一啊～～新年快乐啊～～恭喜发财啊～～利是逗来啊～～无聊～～虽然今年由于间屋就拆加之我成日唔翻屋企而唔使搞卫生～～果然春节都仲系我最唔中意嘅节日啊～～麻烦加无聊～～跟住落嚟嘅日子都要日日翻屋企噜～～无聊嘅拜年啊～～不过貌似冇咩地方去～～老豆都唔想去甘多地方～～佢年初一三五都要加班～～今日就系叔公过嚟拜年～～堂妹貌似叫欣～～好耐冇见嘞～～都甘高嘞～～咩话～～得三岁半～～晕～～真系好高～～原来都不过系一两年冇见～～汗～更汗嘅系居然好似马戏团啲马骝甘～～唱只歌或者跳只舞就俾粒糖食～～话说佢唱嘅唔知系咩星球嘅语言～～完全听唔明～～听日跟阿妈去饮茶～～顺便就系啲姨同舅父拜年聚～～话说阿威放假放七日～～寻晚年三十例牌食饭有嚟～～今日又冇嚟嘞～～我高三個阵系米都系周围都唔去嘅呢～～大概吧～～

 

　　今晚政府有例牌放烟花嘞～～貌似好耐冇睇过烟花添～～点解觉得好似多左好多花款甘嘅～～好似比以前個啲好睇左唔少噃～～不过呢两晚宿舍附近都成日听到烟花声～～肯定有好多人非法放烟花啦～～唉～～城市嘅森林连天空中嘅焰火都可以遮盖～阿廷寻晚短信过嚟抱怨佢個边出边啲烟花炮仗声太嘈～～唉～～广州几多人想放都只能够系静静鸡甘放呢～～

 

　　寻日下昼塔利班下午茶～～连连嘅通宵生活又搞到好晏先翻屋企～～发觉原来根本就冇煮我饭～～仲好～～干脆饮茶食多啲～～发现去左好多人啊～～最后统计系34个～～貌似除左花街出钱人数之外都好耐未试过有呢个数字～～见到头发黑翻好多嘅猪肉～～差啲认唔出嘅肥甄～～岩从广西研究完马骝同海豚翻嚟嘅河马～～依旧吹水唔抹嘴嘅seefood～～貌似几忙嘅猪亨～～等等～～话时话～～呢次已经算系塔利班第三次聚～～计埋之前去阿飞度打机～～点解仲有甘多人而家先见咖～～果然各部长都系大忙人～～话说如果计埋将来时嘅李老板屋企之旅嘅话～～就系喺十五日之内聚四次嘞～～晕～～不过更晕嘅系～～胡罗威居然订左婚～～汗～～我谂一够廿二就即刻佢就会行动咖嘞～～睇嚟就嚟有喜糖食嘞～～虽然我唔食糖～～

　　今日去阿飞度打机～～因为系约朝早九点半去～～而我张校园卡又要系七点到九点之间充值～～而且由于先几日通宵过嘅关系而家成五六点先会眼瞓～～所以就决定直接通宵算数～～不过虽然系甘打算～～六点几個阵都系趴喺台上面瞓左个几钟～～之后充值食早餐～～第一次食春晖啲拉肠～～感觉唔错～～同偏厅個边比好好多～～之后按原计划搭地铁去杨箕～～第一次搭三号线～～好多人啊～～不过家阵先发现原来地铁而家有报纸派～～手机问路加上一个热心大叔嘅指点终于到站～～发现原来系摞电视打电脑game～～大部分都系打实况～～后尾就打真三国无双～～不过由于对实况冇兴趣～～我成日都冇打过机～～而系喺度打牌～～今日牌运超好～～尤其系去完厕所之后～～虽然开头打左两圈都冇糊食～～成为大输家～～不过好快我就赢翻好多嘞～～尤其系去完第二次厕所之后～～最后赢左33张～～爽～～未试过赢甘多～～果然一开头输些少后尾就赢得多～～上次一开头就赢～～结果就输～～虽然唔系好似kingkong甘输到负～～呵呵～～今日系年廿八～～一准备过年～～莫非系预示我来年行大运～～甘就好嘞～～祝我揾到份好工啦甘就～～痴左两餐饭～～夜晚九点几先走～～坐车翻屋企摞翻部单车再踩翻嚟～～不过已经冇热水冲凉嘞～～郁闷～～算～～好攰兼眼瞓～～

 

　　话说今年花街工艺品摊位少左好多～～结果租金贵左好多～～加上呢几日会落雨～～估计摆档啲人会折得好惨～～好难有得赚～～好彩我地今年冇搞喈～～如果唔系就中嗮招嘞～～Lucky～～

　　呢两日由于上次通宵嘅关系比较颓废～～基本上都系喺度睇戏～～寻日finish左PrisonBreak～～今日就追翻Reborn～～由于寻晚又近乎通宵～～貌似个头成日都有啲晕又有啲痛～～有啲想瞓嘅感觉～～今日下昼瞓左几个钟～～发左无数个梦～～大部分都系死甘凝住有人走左入嚟我间室开我部机甘～～虽然我部机的确系开紧～～查毒中～～话说揾在线睇片個阵唔觉意中招～～虽然唔系啲乜～～不过而家变左成日弹个alert出嚟都几烦～～郁闷～～讲翻发梦终于稍微试到咩叫俾鬼砸嘞～～不过由于我实在太醒目嘅缘故～～虽然觉得有人喺下面想起身睇～～不过个身唔郁得就即刻意识到仲系发梦状态～～于是用第种方式叫醒自己～～所以结果就系一次又一次甘醒完又瞓瞓完又醒～～变左发无数次梦～～最后好似仲梦到结婚～～晕～～对象系边个就完全唔记得嘞～～晕死～～

 

　　今日揾赵福利～～寻晚约好俾啲PDF佢～～终于搞掂嘞～～开头放原先個个文件夹度都系link唔到～～不过后尾放根目录度就终于得左～～话说寻晚我先发觉有好多PDF系唔完整嘅～～搞到要重新down过～～郁闷～～啲人做嘢真唔细心～～赵福利问我边间中学～～估唔到佢会话广雅啲人口语好～～呢层就真系唔知嘞～～我就话执信英语好啲～～跟住佢就话执信啲人比较市井流氓类～～广雅啲人比较绅士～～笑死～～比较阿智嘅话的确系好似流氓～～哇哈哈哈～～

 

　　前日上柔道～～又识多两条友～～同我练個个睇样系初中生～～不过估唔到得12岁～～虽然冇问佢叫咩～～应该就系论坛上面嘅毫哥仔吧～～不过细路始终系细路～～玩心好重～～成日做啲无聊嘢～～我睇落只有比较无奈嘅笑～～仲有就系做动作個阵死话我条腰系弹簧做嘅～～咩我真系甘好腰力咩～～不过唔小心撞到佢细路嘞～～成为我嘅第二个牺牲者～～汗～～另外一个系上次见佢同梁行一齐嘅宇亨同志～～做IT嘅人啊～～应该系岩毕业冇耐吧～～不过睇落都系似读紧书多啲～～同一齐阿四個班又系～～look落唔似做紧嘢嘅人～～而且阿四都系大我一年喈～～莫非系大专～～事但～～可怜嘅系上完翻嚟居然冇热水冲凉～～极度郁闷～～今晚都冇热水啊～～唔知系米家阵隔日先有～～晕嘞～～话说寻晚突然醒起我之前系带左个电热水煲翻嚟嘅～～居然唔记得左～～汗～～而家终于有水饮同渌面食嘞～～唉～～

　　寻日又系塔利班聚会嘅日子～～因为要翻屋企先所以晨早就起身嘞～～好眼瞓啊～～好耐未试过甘早起嘞～～八点半～～点知之后阿妈打电话过嚟话要赶下场～～冇时间煮饭～～叫我喺学校食完先翻～～晕～～好彩后尾话将早茶啲嘢带翻嚟食～～都几多嘢下～～食左好耐先食完～～好饱～～跟住行去荔湾路间M记集中～～去到岩好差唔多系通知时间嘅半个钟度～～所谓嘅真正集合时间～～不过有人仲迟过我～～就系Mark姐嘞～～晕～～个样仲系甘细个～～好汗～～之后冇耐就启程搭车去鹅掌坦嘞～～有个人造草场～～个样似人造草吧～～唔多肯定～～不过看场个阿叔间屋有好多猫啊～～仲有只黑狗添～～本来我就冇打算踢～～于是就同蒸鱼饭同女生们一齐喺旁边观战～～椰青同Kingkong后尾都嚟左～～貌似个场都几恐怖～～打完上半场就挂彩两件嘞～～阿飞同椰青～～我地几个就喺旁边吹水之后变成打牌～～鱼饭先提出输左做俯卧撑～～结果即刻连输N盘～～笑死～～不过呢几日真系好鬼热啊～～貌似卅度都有嘞～～啲佬都好鬼快攰嗮～～完场之后等埋上完新东方过嚟不过荡失路N久嘅杜拉就去食饭嘞～～晕～～点解甘多人上新东方嘅～～个个都TOFEL啊GRE啊甘～～吴捷就稍微另类啲啲～～上六级～～汗～～话说我下学期都要考多次六级～～激死我嘞～～点解上次要系紧紧过咖～～唔过仲好啦～～晕～～之后食饭先揾左间嘢坐房用啲所谓消毒好嘅套装要多两蚊茶位～～晕～～搞左一轮交涉失败～～都系走左去第间坐厅～～汗～～早应该走啦～～同啲kelefe讲米盏嘥时间～～finish之后终于轮到下场嘞～～去汤子度唩～～犹豫左一轮翻唔翻屋企先～～都系算～～结果就跟大队嘞～～

 

　　之前嚟过两次～～印象最深嘅始终系见人即吠嘅阿旺～～不过今次见貌似又大左啲～～虽然我觉得主要系啲毛长左～～另外又多左只自来犬Money～～比起阿旺乖好多～～所以我成晚抱左佢好多次～～阿旺就唔得嘞～～想去抱佢佢就扑～～仲要我抱Money個阵佢又唔知做咩过嚟死舔我膝头哥～～搞到条裤湿嗮～～晕死～～不过话说Money成日想骑阿旺～～汗～～仲要两只都系公添～～虽然阿旺并唔系一只完整嘅公狗～～长夜漫漫～～又系通宵打雀嘅消磨时间～～中间汤子热情好客嘅食物款待～～姜撞奶、姜醋蛋、粉～～貌似目前类炖品嘅甜品得姜撞奶受得～～晕～～果然我都系唔中意识甜～～风重～～话说汤子部机中毒有啲问题～～阿飞就逞英去搞～～结果～～搞到管理员密码都俾人改埋～～汗～～结果又系一通宵嘅工程～～晕～～好彩貌似最后都正常翻啲～～又试通宵冇瞓嘞～～朝早啲人终于起嗮身～～变成一堆喺房度讲旧时啲动画～～睇嚟除左蒙面超人之外大部分我都仲系比较熟悉嘅～～之后就变成喺厅度讲翻以前小学奥校同初中啲嘢～～塔利班果然系一个最具团体精神同破坏力嘅恐怖组织啊～～貌似真系如阿郁话斋～～初中嘅呢段感情先系最深厚嘅～～讲真有部分真系唔记得嗮甘滞～～话说已经系八年前嘅嘢嘞～～不过而家大家一齐有讲有笑甘倾翻起身都好开心～～如果系自己一个嘅话我肯定连谂都懒得谂～～我果然系一个唔会注重过去嘅人啊～～最后终于要散～～我就同吴捷一班车直接翻中大～～虽然好肚饿～～不过更多系眼瞓～～于是就爬上八楼飞上床算数嘞～～话说起身個阵已经三点～～

 

　　估唔到冯成坤甘快又走埋～～一下子唔记得叫留翻桶水俾我～～死嘞～～冇水饮嘞～～家阵叫水两桶肯定饮唔嗮～～晕～～话说阿廷听日又走埋～～呜呜～～又试得翻我一个噜～～事但啦～～睇完PrisonBreak要正式开始揾翻啲嘢嚟做嘞～～

　　寻晚表哥结婚～～地点白天鹅～～37围～～传说每围三四千～～汗～～原来佢甘有米～～貌似系做城规～～不过我觉得系因为佢老豆老母喈系我表伯表伯娘有米多啲～～whatever～～貌似27岁～～原来大我甘多嘅～～都唔知有几耐冇见～～记得上次见個阵貌似佢都未毕业～～就算系上次见表伯表伯娘個阵我都貌似未高考～～华工嘅交通工程啊～～究竟系米真系可以甘有米咖～～唉～～算～～唔系重点～～忽略～～第一眼见到真系认唔出～～同我以前印象中嘅形象差好远～～虽然个样认真睇落其实冇点变～～头发长左好多～～加上系西装～～睇落就系一个经理look～～同以前嘅学生look截然不同～～而且两鬓貌似有比较多白头发～～唉～～呢个就系社会啊～～呢个就系岁月啊～～新娘系靓女～～不过班阿婶姑姐就话佢行路唔好睇～～又话唔多识做人世～～汗～～又一对网恋男女修成正果嘞～～又一个老衬从此被困嘞～～

 

　　啲“老人”就系甘无聊～～人地结婚就硬系要将话题套落我同阿聪到～～又话睇边个快又叫我地学定啲程序啊甘～～晕死～～阿妈居然话我会话“甘烦咖”之类～～汗～～其实我系冇所谓嘅都～～姑姐貌似好开放甘～～死甘话我地中意点搞就点搞～～话阿聪几时结婚生仔生仔定女都冇所谓～～由佢中意～～不过要做好安全措施～～唔好生甘多麻烦～～又话斋同居唔结婚都得～～聪居然话唔结婚～～晕～～姑姐居然都仲系话冇所谓～～汗个～～我就谂～～如果阿聪带个BF翻嚟会点～～呵呵～～我承认我又邪恶嘞～～至于我嘛～～其实仲系完全冇谂过呢啲嘢～～对我嚟讲始终系喈麻烦事～～懒得理～～一切顺其自然～～大概如果真系撞到有feel嘅先会有谂法吧～～感情呢家嘢对我嚟讲始终太虚嘞～～大概同我自细就喺一个冇爱情嘅家庭长大有关吧～～目前对我嚟讲最真实可靠嘅始终系友情～～大概系因为我太唔中意约束嘞～～友情始终系最唔含拘束嘅感情～～我所需要嘅更多系一个listener吧～～但唔知点解对于父母～～就算系少少嘢我都懒得讲俾佢地知～～其中一个解释大概系我反感佢地将我啲嘢唱俾人地知吧～～尤其有时会添油加醋或者误解我原意搞到扭曲嗮～～虽然我明白子女系父母最大嘅骄傲～～不过我都系反感～～我果然系一个怕麻烦嘅人啊～～算阿妈将岩左～～不过实际上对于我在意嘅嘢～～我系会变成极度不厌其烦～～毕竟我都系偏完善型人格～～

 

　　今日上柔道分左三part人～～白带一族有基础嘅得一个女生～～结果变左我同佢做～～晕～～本来我对人就好温柔咖嘞～～几时都就住力～～呢次系女生搞到我都完全唔敢用力～～搞到我挞亲都要问下佢先～～好龌龊～～好彩寝技個阵终于换开左喈～～不过今次变同弟弟玩～～弟弟又细又怕痕～～搞到我都系求其做左动作就算～～冇用力～～上完课大师兄居然问我考唔考级～～晕～～我话俾佢知我先上左五堂咋～～有排都未够堂数～～于是佢就话算嘞～～汗～～虽然啊啦天资聪颖～～都唔使以为我上左好耐先得咖～～啲人熟唔熟口面都应该有啲印象吧～～话说個个女生仲问我点解唔上次考带添～～仲离谱～～晕死～～我都未觉我自己嘅基础够熟练啦～～虽然话好多弟弟都已经考左带～～另外话说翻嚟個阵见到有人喺树堆入面小解～～开头仲以为有狗添～～汗个～～

　　今日啲水又试好热嘞～～爽～～今次唔冲甘耐～～冲完冇唔舒服～～不过前几日就唔系嘞～～啲水都唔热嘅～～斋系系暖暖地～～前日仲系完全冇添～～晕～～搞到冇冲到～～今晚翻嚟听宿管讲～～原来唔系啲太阳能唔掂～～系佢地唔识调个太阳能热水器～～甘又系～～呢几日啲太阳猛到死～～有咩理由褒唔热啲水先得咖～～又话太阳能公司条友成日唔喺度～～要调又要揾佢～～于是就搞到而家一时得一时唔得嘞～～晕～～而家做宿管都要素质啊～～希望听日都有甘嘅热水啦～～如果唔系上完柔道翻嚟冇得冲凉就惨嘞～～

 

　　寻日翻左屋企～～拎翻对羽毛球鞋翻嚟～～顺便又摞左啲衫同书～～搬屋真麻烦～～摞对鞋翻嚟主要就系今日同坤权鸿佢地打波～～去左市二宫打～～朝早15蚊个钟～～系英东嘅一半啊～～不过又试整伤嘞～～唉～～次次打波都会擦伤真麻烦～～不过柔道个师兄话上柔道都系会次次见血～～系由于件衫又厚又粗糙～～甘又真系夸张啲嘞～～我而家都系伤左一次喈～～系俾张垫整亲喈～～

　　今日梁尧终于走嘞～～温耿锋都走～～宿舍剩翻我同煤灰～～终于会安静翻好多嘞～～之但系白痴始终系白痴～～条友居然漏底左件行李喺地铁～～晕～～结果喺個度等左N分钟～～又播广播又剩～～当然最后系揾唔到啦～～仲搞到连累埋启平赶唔到火车～～搞到翻唔成～～晕～～翻嚟就死甘喺度数损失～～最紧要就系冇左图书馆個几张光牒同学生证啦～～仲要就系所谓七十几蚊嘅鼠标～～咩充电器啊之类～～仲有啲衫～～唔知佢点数～～数下数下冇成千几～～汗～～仲要话佢上车之后就解左个包落嚟～～晕～～搞到而家究竟系自己唔记得摞定系俾人偷左都分唔清～～都唔知点话佢好嘞～～而家甘唔知佢会留到几时嘞～～

 

　　下昼就去左揾赵福利～～问佢个课题放假点样安排～～结果就系要帮佢down文～～整理入数据库～～唉～～麻麻烦烦～～而家搞到真系要留喺学校甘滞嘞～～不过其实翻屋企系冇问题嘅～～最衰就系放假冇热水～～而家都仲未知道可以点样冲凉～～貌似就系去学五打水～～大概個度有冲凉房吧～～唉～～好麻烦～～今日收件柔道袍～～晾左两日终于干嘞～～晕～～果然系好鬼死厚～～重到放多两件落洗衣机都搞到转唔郁～～搞到要分开洗～～变左洗两次～～外面大尘～～唯有晾入嚟～～不过就更加难干嘞～～今朝见有啲太阳晾出去一阵～～结果收個阵发现痴左啲不明生物嘅排泄物～～晕～～好彩抢救及时～～果然件袍比较难服侍～～不过其实如果唔洗干计较嘅话都唔使甘麻烦嘅～～

　　好耐冇写过blog嘞～～终于考嗮试～～终于开始放假～～终于可以上柔道嘞～～从元旦开始就已经计划好嘅嘢～～终于可以实现嘞～～有啲兴奋～～主要系揾样嘢强迫自己郁下～～顺便学多啲嘢～～而且搏击可以防身～～而柔道同太极之类比较岩我～～无论系性格同体形～～呵呵～～仲可以识多啲人添～～唔错～～不过实际上柔道不过系我计划嘅一部分～～其它嘢由于宿舍放假冇热水搞到而家都唔知点算好～～热水剩系到25号就冇嘞～～坚持得到我下堂柔道课～～原先计划好可以好似暑假甘运作咖嘛～～而家要揾办法冲凉嘞～～六人间個边可能有～～如果唔系就要去热水房～～不过热水房点用嘅呢～～都系麻烦～～鬼死甘远～～冇理由去阿政度冲咖～～但系就算我唔喺度住～～星期四晚都冇理由一上完柔道就翻屋企咖～～麻烦啊～～搞到而家好似咩都唔想做添～～郁闷～～

 

　　都系讲翻堂柔道～～本来今日系阿公生日话去食饭～～不过要去到白云花园甘远～～由呢度到個度要30个站车程～～都赶唔撤翻嚟上课啦～～而且有三围台嘅人会嚟～～都唔知要等到何年何日先可以开饭～～于是阿妈就叫我唔好去嘞～～我本来就犹豫去唔去好～～不过阿妈都甘讲嘞～～就唔去算啦啦～～于是提早左半个钟去～～去到未上去就见到王教练行过嚟嘞～～于是就同佢打招呼～～上到去原来已经有一个人喺度嘞～～一个东北大汉类物体～～王教练叫我等阵～～于是我就走去窗边睇人打波～～睇左好耐～～逐渐有人嚟～～不过貌似由于落雨嘅关系～～唔算多人～～到嗮都系十六七个度～～等左好耐未叫我搞掂报名啲嘢～～终于后尾王伟鸿教练嚟～～网上见过相～～认得～～先叫我报名～～之后我就跟啲人做准备运动～～佢落去摞衫俾我～～有啲动作唔知系咩～～不过照版煮碗系冇问题嘅～～带队嘅系个绿带嘅师兄～～唔知系米网上讲开嘅個个师兄呢～～不过我都冇问～～之后换衫跑步～～跟住伟鸿就带左我过隔离～～教左我啲常识同准备动作同受身动作～～佢赞我动作好～～呵呵～～佢唔知我以前啲体操考试都系95分以上喈～～哇哈哈哈～～不过事实上前受身比较复杂～～做左好多次都唔多理想～～主要系对脚会本能性伸直～～以前打手翻都系伸直～～同埋开头冇注意好触垫点～～果然好耐冇打过惯斗～～打左一下就头晕～～好彩冇出星星喈～～汗～～之后伟鸿叫左个弟弟仔过嚟一齐玩～～个弟弟仲要系黄带嘅～～晕～～伟鸿教左我小内衣之后就叫我单脚跪喺度同弟弟练～～几好玩～～呵呵～～之后又叫左个中学生样嘅高我些少嘅过嚟同我练～～个名叫国章～～感觉上佢比我练多两堂课度～～佢上嚟又系练小内衣～～不过后尾又用大内衣～～练练下我就顺便学埋大内衣嘞～～之后集中讲嘢個阵某女教练示范动作又有小内裤～～大内裤啊甘～～啲名好搞下～～练左一轮～～跟住伟鸿叫我地同埋最开始嘅大汉同佢玩抢靶～～其实同玩实战冇咩唔同～～不过好好玩～～可惜我唔识啲咩动作～～不过原来佢想挞低我都唔系甘易～～呵呵～～之后做完放松运动就散嘞～～不过仲有好多人喺度练枕技～～总体嚟讲几好玩～～教练都好好人～～今日嘅运动量感觉上唔算大～～不过两只手上臂都有啲攰～～其它就貌似冇咩感觉～～

 

　　再讲下之前几日嘅嘢啦～～基本上就系阿廷翻嚟嘅嘢～～条友原先话18号我地考嗮试先翻嚟～～估计等唔撤～～17号晚就走左上嚟嘞～～個阵我仲温紧光学～～突然听到隔离一轮轻微骚动～～中间有一句熟悉嘅声虽然好细下～～不过都系俾我认到～～虽然都仲未好肯定～～不过70％系条友走左翻嚟咖嘞～～但系鉴于仲未温完光学～～懒得理佢～～之后过左一轮～～某人一踢脚～～80％～～貌似目前为止系得佢会踢门～～暑假翻嚟個次又踢～～我晕～～之后系阿智把声话揾我～～但系已经feel到外面唔只一条友啦～～90％～～开门见到西峰只白痴居然上左嚟99％～～跟住条友问我有冇兴趣落去食糖水～～100％～～晕～～我都未温完～～你条友就走嚟骚扰我地温书～～冇兴趣～～敷衍左句就关门继续温书～～第日光学好变态～～晕啊～～莫非要我同基础光学同一命运～～唉～～考完条友就出现左嘞～～叫我同埋善津陪佢逛百佳～～虽然谂住翻去剪头发然后翻屋企食饭嘅～～不过既然开到声就陪下啦～～保管单车個阵把锁无啦啦short左～～不过逛完翻嚟都十二点几嘞～～唯有下昼翻嚟先剪啦～～点知翻到去居然同我讲冇收到我短信话翻嚟食～～晕啊～～把锁又正常翻嘞～～天～～点解呢轮都甘黑咖～～选修又选左我四次～～第一二次都俾人throw嗮～～跟住创业個个又话唔够人唔开～～搞到而家乱选～～虽然话到时我可以去上嗮我最开头选個啲～～不过都系唔爽～～依家甘样如果我上嗮我想上個啲选修嘅话就基本上系得翻星期五晚系冇安排～～不过都好嘅～～算啦～～讲翻正题～～剪完头翻嚟喺阿智度打左轮机～～终于到晚黑食饭～～喺唐人佳度食～～十六七八个人逼喺一围度～～晕～～西峰冇嚟之外好多都嚟左～～不过主要都系180呢边嘅人～～食完饭就有啲冲左凉嘅喺度等西峰～～我呢啲未冲嘅就走翻上去冲凉～～之后就系晚黑去歌戈唱K～～唱到十二点几打的走人～～之后点几钟度好早就瞓嘞～～第日小泉去买拍～～阿廷同丁超陪～～甘我就顺便去拉线啦～～拉线加埋换手胶搭地铁用左38～～加上唱K嘅钱系68～～呢两日用钱真多～～加埋柔道個370就已经同我一个月嘅饭钱有过之而无不及嘞～～汗～～不过两个月之后就每月都要用多100噜～～柔道费～～

 

　　放假都仲系好郁闷～～都仲系未想左嘢～～都系从睇越狱开始起步啦～～要搞好英文～～下学期仲要再考一次六级～～至于商务英语～～唉～～讲真～～我其实并唔想考甘多试～～有能力就得啦～～搞甘多证好无谓～～而且有好多证仲要系废嘅添～～而且又要好多钱先可以考～～晕死～～再度郁闷中～～不过寒假嘅主要任务系英文同埋再学一啲技术方面嘅嘢呢层系不变嘅～～得闲要去下图书馆嘞～～就甘啦～～好耐冇写过甘多字嘞～～以后可能都唔会好似以前甘成日写噜～～睇心情吧～～呵呵～～

　　寻日考冷战～～变态啊～～真系考到打嗮冷战啊～～三条大题～～头两题30～～最尾個题40～～晕～～虽然 带左好多资料去～～其实相对其它人嚟讲都唔算好多～～第一题貌似啲资料度有得比较齐全～～但系我都唔知点入手好～～乱七八糟冇咩逻辑甘抄左一版第一题叫左算数～～第二题就冇咩岩用嘅资料～～晕～～基本上我都系对住個几条原则自己喺度吹水～～汗～～都唔知摞到几多分～～第三题系冇资料可用嘅～～痴线～～讲恐怖主义同反恐对国际关系嘅影响～～我啲资料入面有恐怖主义嘅定义啦～～手段啦～～危害啦～～之类～～对策都有～～但系偏偏关于影响就系冇～～我晕嘞～～点解佢可以出到啲甘骑呢嘅题咖～～一题比一题变态～～分卷斋摞到嘅分都可能已经唔合格嘞～～都唔知点死～～仲要之前嘅全学期唯一一次点名我又冇去～～虽然個次都好多人冇去～～不过好多人事后都走左去补签～～但系我冇补啊～～唉～～多半会唔合格嘞～～莫非我甘就死左喺科甘废嘅嘢度～～限选啊～～唔合格要补考～～晕啊～～仲要计学分添～～去死～～都唔知边个甘变态要我地修啲甘嘅嘢～～修都冇所谓～～至少你唔好搞啲甘嘅卷我地答吖～～明知我地学物理咖嘛～～呢啲甘嘅嘢鬼识同你吹咩～～痴线～～果然最讨厌政治课～～又一次激起对党政府嘅愤怒～～根本就系强奸～～虽然有人话生活就好似强奸～～如果唔可以反抗～～就瞓低享受快感～～但系而家人地系SM你啊～～点享受先得咖～～变态就一个词～～两只字～～可恶～～

　　肯定系呢轮成日YY搞到极度唔够瞓～～朝早啲课除左专英之外都已经逃嗮嘞～～如果专英唔系第三堂课先上估计我都会逃埋～～不过数据压缩个肥仔余向阳原先讲到明唔点名咖嘛～～上星期居然点左～～激起一轮抗议声～～唉～～算数～～唔理佢～～寻日终于都发烧嘞～～好耐都未试过嘅嘢～～一个学期一次嘅正常好现象～～不过感觉都唔系好严重～～寻日瞓左成个下昼～～焗左身汗～～食饭之后搞左阵又继续瞓～～继续焗汗～～今朝起身感觉上已经退嗮烧～～貌似已经好翻嗮～～晕～～果然病得好轻～～唉～～大学以前都系病到狂唱歌嘅～～呵呵～～而家一个人～～都系病得越少越好～～虽然我都好少会病～～不过今次一晚就好翻就真系快左啲啲～～不过毕竟系因为唔够瞓引起嘅喈～～瞓翻多啲就应该冇咩事咖啦～～呵呵～～加上天气都未系好冻～～冇点并发感冒～～基本系冇问题咖嘞～～

　　今日翻屋企～～原来房管啲人嚟过睇屋～～话间屋好多地方唔符合规定～～今年年底之前要报修～～于是老豆翻嚟又喺度嘈～～又喺度闹政府搞埋嗮啲面子工程之类～～又话我阿妈做咩俾啲人入嚟～～唉～～如果唔系我喺度镇住～～阿妈都唔知要俾老豆嘈几耐～～烦～～嘈都冇用咖～～始终都系要整咖啦～～一系就系由政府帮整～～不过整完之后间屋就变左系政府嘅～～我地住要交租～～贱格～～一系就自己整～～冇补贴～～贱格～～虽然冇老豆甘犀利～～不过我都好嬲～～政府大嗮咩～～无奈～～不过其实都有好嘅方面嘅～～的确间屋好残～～有啲危～～整左之后唔使年年居委走嚟叫避难～～而家间嘢鬼死甘垃杂过年搞卫生超麻烦～～整左之后就应该好好多～～如果唔系政府规定要整～～我老豆肯定点都唔肯整～～不过我不满嘅系你政府自己要人整居然唔俾补贴～～仲要如果按足规定嘅话整完之后间嘢会矮好多～～可恶～～而家间嘢要重整就要全部拆嗮甘滞～～基本上可以讲系重新起过间～～唉～～虽然话过完年先搞～～不过都有排搞～～到时要喺外面租屋～～我就冇所谓～～反正都系住宿舍喈～～睇嚟都系揾细舅父同叔叔帮手咖嘞～～毕竟佢地都系搞建筑～～到时要搬N多嘢翻宿舍添～～好烦啊～～

　　可能呢排真系YY得太多～～搞到情绪比较郁闷～～虽然正常平时状态都基本上冇问题～～不过自己一个個阵就会出现啲比较忧郁嘅谂法～～唉～～但系似乎上左瘾～～一日唔YY都觉得有啲唔舒服～～晚晚YY到三四点～～有时甚至通宵～～鬼叫一篇嘢要鬼甘长咩～～睇成日先睇得完～～而呢啲嘢～～一睇就想不断甘睇落去嘞～～好难停得低嘅～～算啦～～过多排等YY情绪降低之后就会好啲咖嘞～～不过又真系够夸张嘅～～居然发梦发到喊～～以前都未试过甘～～可能有啲关YY個阵個段梦醒而泪两行事吧～～受到啲影响～～不过梦入面更多系一种委屈而唔系一种悲伤～～大概我都系受委屈多过悲伤吧～～或者我其实从来都未试过悲伤～～梦到嘅人系我老豆～～果然系一个目前为止对我情绪影响最大嘅人～～亦系一个令我受委屈最多嘅人～～或者我系一个自尊心重嘅人～～似乎真系唔多受得委屈～～任何诬蔑我嘅行为我都会反抗～～而到目前为止我都仲系时不时对小学個阵冤礼过我嘅两个老师耿耿于怀～～算系一种记仇吧～～但其实能够真正令我恨嘅人可以讲系冇～～就正如可以令我爱嘅人并唔存在一样～～大概我真系好似阿包话斋甘～～唔懂爱情～～的确我冇谂过任何有关呢方面嘅嘢～～主要可能系怕麻烦啩～～但系我又谂其实我系冇感觉至岩～～我可以喜欢好多人～～所有我嘅朋友我都喜欢～～我亦都会俾小说电影之类入面嘅情节打动～～但系讲到我自己现实中嘅爱～～一次都未有过～～出世到而家廿一年～～最深刻嘅感情都不过系友情～～算唔算有啲失败呢～～不过失败与否都系相对于自已而言嘅喈～～事实上对我嚟讲最重要嘅并唔系呢方面嘅嘢～～我只需要按自己嘅想法继续走落去就OK啦～～

　　呢两日好似突然冻左好多甘～～貌似有啲冻亲～～搞到个鼻有啲塞添～～应该係有些少感冒嘞～～不过其实都好耐冇病过～～按计一年一两次嘅规律都係时候要病下咖嘞～～不过应该係点都唔会发烧咖嘞～～啲甘少嘅事～～瞓翻多些少等天气好翻啲就会冇事吧～～上次发烧唔知係几时呢～～我都唔记得发烧嘅话频率会係几多添～～可能都係一年一次吧～～成日用口透气搞到喉咙好干～～有些少干咳～～颇痛苦～～今日仲要成日流鼻水添～～唉～～应该係长期夜瞓搞到抵抗力下降吧～～夜瞓嘛～～唉～～习惯瞓觉之前睇篇嘢甘～～基本上睇完都差唔多四点嘞～～有时遇到啲长篇会通宵添～～已经试过两次嘞～～发觉睇小说呢家嘢果然好容易上瘾～～怪不知善津都成日YY啦～～虽然我同佢YY嘅类型唔同～～唉～～不过甘样就成为左我唔去上早课嘅另一个原因嘞～～当然～～主要原因係啲老师嘅原因啦～～量子就喺度抄公式读书～～讲得鬼甘闷～～光学就讲得鬼甘泛～～数据压缩仲衰～～完全照佢个word读～～晕～～至于计算方法就已经放弃左嘞～～今个学期啲课真係不知所谓～～好期待下学期啲课啊～～终于有真正嘅专业课嘞～～貌似有翻啲实用性～～唉～～光信息啊～～纯研究果然係唔岩我嘅～～

　　今日好多宣讲～～不过最感兴趣嘅都係百度同埋联想～～好彩两间嘢嘅时间一个下昼一个夜晚冇冲突到～～虽然两间喺中国都係劲嘢～～不过遗憾嘅就係两间嘅主要工作点都係喺北京～～虽然学梁冬话斋～～去北京做嘢可以睇08奥运～～不过始终对北京呢个政治中心冇咩好感～～又沙尘暴又剩～～冬天又特别冻～～不过如果係入到嘅话～～两间都算係唔错嘅选择嘅～～不过对于可以出国工作呢点就似乎满足唔到嘞～～联想都仲有啲机会～～百度嘅话就应该冇嘞～～唉～～到时真係唔知投边啲好嘞～～

 

　　百度就主要係梁冬讲～～开头就见条友就觉得好属口面咖嘞～～硬係好似唔知喺边度见过甘～～原嚟係凤凰某人～～果然好识吹水～～虽然佢话百度仲有人吹得犀利过佢～～听佢讲左半个钟何为搜索引擎～～都算係学到啲嘢甘啦～～感觉百度嘅坦诚直白嘅氛围唔错～～係呢方面嚟讲有啲动心～～联想嘅话虽然话係国际化嘅中国企业～～实力都唔错～～但係感觉始终都係政治氛围重左些少～～我始终都係唔中意啲甘superficial嘅门面功夫～～虽然佢话可以有好多机会大展拳脚～～薪水都OK～～不过始终感觉啲人木独左啲～～技术为主都无可厚非嘅～～但係又唔见腾讯同百度木独噃～～唉～～都係睇定啲先～～